巴甲大戰國體會「高」一線
2012/07/07文:亨格比利
朝巴甲爆發前列大戰，由國際體育會主場迎擊高士路。有「巴甲紅魔鬼」之稱嘅國體會新季戰績麻麻，主帥杜利華祖利亞同前鋒李安度達美奧仲想有碇企嘅話，係時候要做番齣好戲， 朝對住高士路正正係省招牌良機，一於捧1.54倍主W。

呢排國體會動作多多，最新消息係會方接近斟掂科蘭同尼爾馬，一旦呢對頂級射手加盟，今季表現大跌Watt嘅李安度達美奧隨時正選不保， 朝佢同刑滿復出嘅達高巴圖搭檔雙箭頭，目標當然係撕破高士路大門證身價啦！

高士路射手打柴
同李安度達美奧一樣要爭氣嘅仲有杜利華祖利亞，呢位教頭自6月中開始就一直盛傳冇得撈，佢老人家賽前安排加操，仲同法比斯奧施華破冰，決定搵番佢打正選，取代左腳大腿肌肉受傷嘅左閘基巴，為份工着想已經將私人恩怨放低。

對家高士路上場輸畀聖保羅，不敗金身被打破之餘，射手安斯模雷蒙亦都因為左膝受傷極可能要休戰，加上中堅阿歷斯達施華同右閘迪亞高連倫都養緊傷，攻守兩瓣都受損，造訪國體會唔似有