美職今季賽程安排終於與時並進，早前世界盃外圍賽進行期間，只係安排咗零星嘅補賽，免得球會同國家隊爭人用，等大家刨波嗰陣唔使咁煩，但由於今季美職多咗一隊角逐，大家都多咗常規賽要應付，稍後各隊亦忙於接待歐洲勁旅踢表演賽，所以今個周中趁空檔即刻啟動快車，等呢個歐國盃休息日唔使咁dry。

朝6場美職賽事，重心係主場出擊嘅溫哥華白帽，佢哋嘅對手紐約紅牛上仗預先張揚，話射手亨利同守將馬基斯都因傷休息兩仗，結果剛戰作客實力唔強嘅芝加哥火燄都要輸1:3，證明呢兩名主力缺陣對紅牛影響極大，今戰造訪近7次主場不敗嘅溫哥華，受讓平半都咪制。

多倫多輸到慌博侯斯頓
另一隊近期當黑嘅肯定係FC多倫多，雖然佢哋上個月又贏得加拿大.