B36連菲特水鬥水冇攻「細」
2012/07/10文:查理阿蛋

歐聯外圍賽第一圈嘅參賽球隊當中，相信都唔會有一隊可以殺入主賽圈，呢啲臘鴨球隊，正路計大家亦未必咁有認識，就等小妹介紹吓啦！今晚北愛爾蘭班霸連菲特，次回合會作客法羅群島冠軍B36拖錫雲，首回合雙方互交白卷，今晚一於繼續捧1.7倍入球細啦！

B36踢歐聯輸多贏少
連菲特喺近9屆北愛頂級聯賽拎足7次冠軍，主力多數係英格蘭嘅球員，威爾斯中場迪比頓亦都効力過奧咸、馬爾斯菲等英格蘭次級聯賽球會，技術水平總算比拖錫雲高一籌，喺首回合都叫壓住對手嚟打，可惜條鋒線唔爭氣，射手馬克麥阿里士打上場就浪費咗唔少黃金機會，如果仲keep住咁嘅表現，今場都唔似多交收。

至於B36拖錫雲則係應季法羅群島聯賽冠軍，不過佢哋8次出戰歐聯，只得1勝1和6負，雖然中場辛尼奧臣上場靠罰球製造咗唔少機會，但係鋒線銳利度始終欠奉，今場對連菲特應該都係悶戰一場。

歐聯及歐霸盃賽制：
採主客兩回合淘汰制，今輪為第一圈外圍賽次回合，若總比數相同，作客入球較多一隊晉級，再和則於次回合後加時作賽。若加時入球數字相同，客隊將憑作客入球優惠晉級，若加時沒有入球，則需互射12碼決勝。

上一則 : 投拄備忘