利尼史特朗下盤歡送射手
2012/07/13文:亨格比利

利尼史特朗今季嘅戰績令人失望，家陣仲徘徊喺挪超護級邊緣添，之不過今晚係陣中首席射手施古達臣嘅告別戰，相信呢位仁兄實會施展渾身解數，臨走前幫得幾多得幾多，實行射爆特林素留個美好回憶，利尼史特朗主場出擊受讓平半要下盤。

施古達臣踢埋今場走人
今季為利尼史特朗攻入7個聯賽「士哥」嘅施古達臣，踢埋今仗就會轉戰英超，向新東家狼隊報到，查實佢都想留低幫多幾場，皆因利尼史特朗依家喺挪超排緊尾三，季尾隨時降班都似，奈何狼隊嗰邊已經通融畀施古達臣踢多3場，今晚場告別戰佢實唔會令球迷同球會失望，戰意唔需要懷疑。

對家特林素名列前茅，主場仲要未輸過，但作客表現明顯差天共地，今季6戰都仲未開齋，加上鐵衞高邊倫又話腳跟受傷唔出得，橫睇掂睇都唔似讓得起鬥志旺盛嘅利尼史特朗喎！