洛辛堡回勇打守「細」波
2012/07/15文:自由恒

正所謂花無百日紅，曾54次於蘇格蘭頂級聯賽稱霸嘅格拉斯哥流浪，上周五畀25間次級聯賽球會投票煮死，來季要直插丙組作賽，以後蘇格蘭就由些路迪玩晒。至於早幾年都有得打歐聯分組賽嘅挪超老牌勁旅洛辛堡，近年已經同冠軍愈走愈遠，今屆更要從歐霸盃第1圈外圍賽打起，講真都幾冇面。

侯格辛特首席射手停賽
好彩洛辛堡近期都算爭氣，上周砌低「二哥」莫迪之後，總算叫做重返爭標行列，連埋歐霸盃嘅比賽，對上10戰只係僅輸1仗，更連續3場保持不失，今晚作客聯賽兩戰不勝，兼近17場不敗走勢仲啱啱斷埋纜嘅侯格辛特，有得受讓真係幾吸引。

不過與其捧1.75倍嘅「讓球客勝」，倒不如要更好分頭嘅2.2倍入球細，畢竟洛辛堡火力都唔強得去邊，近兩戰都係小勝1:0，至於主隊侯格辛特，今戰就有季內射入9球嘅首席射手迪祖迪積停賽，雙方都冇條件鬥攻，恐怕會係悶戰一場。

足球重心：侯格辛特、紐約紅牛

馬膽推介：8場(13)吾誰與歸

上場無疑受惠於慢步速，但就贏到接連有好表現嘅「樂馳」冇得跑，證明肯定有分在手，喺煞科戰都冇乜幾多當打精英攔路，上班負超輕磅值得再追。