川迪技勝一籌響勝「古」
2012/07/19文:亨格比利

由麥卡倫領軍嘅川迪講唔上係荷甲一線勁旅，剛啱仲有射手盧克迪莊過檔慕遜加柏添，但整體戰鬥力依然高過芬蘭球隊國際杜古幾班，況且陣中幾位主將都及時傷愈，今晚喺歐霸盃第2圈外圍賽主場出擊，料可先下一城，讓兩球照捧2.05倍「讓主」。

川迪今仗有門將米凱洛夫同右閘干尼利斯傷愈，新加盟嘅丹麥中堅比積蘭特嘅表現亦都相當對辦，加埋由天主教大學來投嘅翼鋒菲臘比古迪利斯已經完成註冊手續，主帥麥卡倫基本上可以派強陣出擊。

雖然盧克迪莊離隊，唔多唔少會削弱川迪嘅鋒力，之不過由教練團成員古華特親手栽培嘅基耶斯，賽前就突然獲提拔上一隊，兩課操練嘅表現更加係光芒四射，呢件秘密武器今戰肯定大派用場。

國際杜古雖係芬超一哥，衰在芬蘭足球水平不嬲都唔入流，畀你喺本土也文也武又如何？更何況正選門神巴尼因背傷冇隨隊，助攻王奧查拉早幾日又扭計話想過大會，首回合造訪川迪唔慌有