今晚西甲上演首輪賽事，失落歐洲賽嘅西維爾喺主場對基達菲，佢哋今季留得住主力尼格度同捷西斯拿華斯，但熱身賽表現麻麻，想大勝基達菲有難度，不如冷敲3.45倍「讓和」博佢哋僅勝喇。

西維爾上季西甲只排第9位，8年嚟首次冇歐洲賽踢，不過今季唔需要分心喺歐洲賽，要搶番個歐霸甚至歐聯席位都唔難嘅！主力射手尼格度踢唔掂歐國盃，不過返到嚟就有班夾慣夾熟嘅隊友幫手，要喺首戰攻破基達菲大門絕對冇問題。

西維爾新季簽入唔少新兵加強人腳，防線上就有波迪亞可以暫代啱啱心臟病康復嘅馬杜路。但係小妹唔敢直取「讓主」，係因為佢哋喺熱身賽7戰得3勝表現麻麻，可能因為隊波新血太多，仲要多啲時間磨合，好難炒起有柏度李安同新援沙維托利斯壓陣嘅基達菲喇！