細哨翻生明尼路入球大抵玩
2012/08/29文:走肖

最近熱門話題除咗叮噹嚟啦！仲有細哨嚟啦！明尼路 朝喺巴甲主場對邦迪比達，不妨繼續追1.68倍入球大。原本朗拿甸奴被法林明高掟走後，全世界都以為佢玩完，點知佢加盟明尼路帶挈隊波高踞榜首，日前仲球王翻生疾走50米射破對手大門，有佢帶動，人人期望可達到！

其實朗拿甸奴只係32歲，只要佢有心踢，巴甲冇幾多後衞嘜到佢。雖然佢加盟明尼路後入波唔算多，之不過有佢壓陣，成班隊友都充滿信心打高兩皮波，而且明尼路已經連續13場聯賽不敗，期間有10勝3和，上場喺里約熱內盧打吡戰以2:2打和高士路，朗拿甸奴仲好似後生咗10年咁喪帶50米射入神級入球。

邦迪比達近13戰得1場不失
可惜明尼路中場比拿度安尼斯奧同比亞爾上仗領紅要停賽，難免拖低中場控制力，何況比亞爾專門負責攔截同掃蕩，好容易連累明尼路失波。同時間，邦迪比達近13場聯賽得1場保持清白，當中有6場至少失兩球，加上食胡射手洛查洛迪古斯坐完波監，玩入球大好路。

上一則 : 基輔反擊勁 同慕遜加