聖日耳門魚生粥 撐「讓和」
2012/09/14文:亨格比利

齋計人腳同牌面，巴黎聖日耳門喺法甲肯定超晒班，偏偏呢支「億萬大軍」新季就令唔少捧場客失望，聚飛就死火，你唔信佢咩？佢上仗就搵里爾開齋，堪稱「法甲大蠱惑」！聖日耳門今晚聯賽返主場恭候圖盧茲，亨格比利睇死佢哋贏波唔益人，捧3.3倍「讓球和」食魚生粥。

雖然話巴西中堅堤亞高施華大腿傷未好番，加盟以嚟都仲未為聖日耳門披甲，但陣中嘅伊巴謙莫域、拿維斯、柏斯托尼同阿歷士洛里高通通都係一線球星，踢法甲夠照啦，點估到佢哋新季頭3場波都和晒先？到大家對佢哋嘅信心開始動搖時，呢隊衰波上仗就「做嘢」，趁里爾新球場喺法甲揭幕，被睇淡之下就作客贏人哋2:1搞寸個Party，一啲都唔正氣！

4日後踢歐聯隨時留力
睇番雙方嘅對賽往績，聖日耳門對上5次同圖盧茲交手都贏晒，今季戰鬥力更加係近年最強，照計要再一次砌低圖盧茲應該冇難度。之不過 ，咪忘記聖日耳門4日後要喺歐聯鬥基輔戴拿模，以主帥安察洛堤嘅保守作風，邊會喺歐聯前夕同你搏命吖？今晚佢哋話明會收起拿維斯、施素高同盧根奴等主力，隨時贏1球就收手。

圖盧茲新季聯賽未輸過
再講吖，有荷蘭右閘雲達韋爾可能後備登場嘅聖日耳門，新季法甲4個入波都係嚟自伊巴謙莫域，樹大招風今場肯定惡踢。況且上季法甲排第8位嘅圖盧茲，雖然整體實力差一截，但論新季戰績其實唔算失禮，喺法甲依家更加未輸過，表現都幾穩打穩紮，預計作客都唔會輸得太肉酸，估聖日耳門頂多贏1粒。

近5次交手聖日耳門贏晒
‧雙方今季法甲都仲保住不敗之身。

‧兩隊近5次交手聖日耳門贏晒。

‧聖日耳門對上3次主場鬥圖盧茲都開「主主」。

快刀斬亂麻「主主」好路
聖日耳門今季除咗想重奪聯賽