車仔「讓球和」有着「洛」
2012/10/02文:查理阿蛋
歐聯衞冕冠軍車路士今晚喺E組作客洛斯查蘭特,車仔剛戰英超惡鬥阿仙奴,今仗對手唔強隨時畀班主力休息,分分鐘火力大減,洛斯查蘭特有主場之利未必大敗,不妨冷敲3.5倍「讓球和」。
洛斯查蘭特主場近4戰不敗
雖然車路士今季喺攻擊線上買入咗唔少高質球員,但論攻擊力又唔算係零舍惡,贏波都係1球起兩球止,嚟到歐洲賽嘅作客環境,小妹真係唔睇好佢哋可以炒起洛斯查蘭特。況且「車仔」上場對阿仙奴精銳盡出,費托、桑馬達等通通正選上陣,難得佢哋家陣喺英超排緊第1,歐聯對二線球隊唔使咁肉緊住,小妹相信迪馬堤奧今場好可能派史杜列治、奧里奧爾羅美奧呢班副選落場,要大勝有難度。
洛斯查蘭特呢支應季丹超冠軍,最出名嘅球員要數被視為明日之星嘅米高盧特立囝囝安達斯盧特立,雖然佢哋整體實力唔強,不過話晒近4戰主場2勝2和,證明有番咁上下硬淨未必會大敗。
歐聯E組
0/500字
热门产业资讯