敲摩納哥「和」
2012/10/08文:查理阿蛋

查多魯作客未W過
摩納哥今晚會喺法乙主場迎戰查多魯，雖然主隊近況麻麻，但小妹相信教練雲尼阿里已經「點醒」班球員，有力小勝查多魯，一於冷敲3.3倍「讓球和」！

查實摩納哥近排表現唔掂，近3戰主場全和，特別係上場迎戰GFCO阿些斯奧，居然臨完場先逼和對手！好在教練雲尼阿里已經同班球員開大會傾過，希望佢哋生性踢番場好波，而且狀態大勇嘅射手伊巴謙托尼同謝明近3場夾手夾腳入咗6球，只要搞番正啲心態，小勝冇問題吖！

考慮到對手查多魯有番咁上下硬淨，開季以嚟9戰得1敗，摩納哥要大勝都有難度，好在查多魯今季作客未W過入波又少，仲要有中堅森保奧繼續停賽防線唔齊腳，摩納哥「讓球和」敲得過。