多蒙特睇定嚟食博「和」
2012/10/27文:卡爾萬

  多蒙特周中喺歐聯對皇馬贏咗漂亮一仗後，戰線將回歸德甲，今場作客對住近期有復甦迹象嘅弗賴堡，加上球隊嚟緊面對嘅頻密賽程，教練高普必定有所留放下，佢哋隨時帶住1球到尾，一於敲多蒙特3.6倍「讓球和」。

弗賴堡順番唔輸得多
喺魯爾區打吡輸畀史浩克一仗缺陣嘅舒姆沙同馬里奧葛斯，對皇馬嗰陣齊齊復出，配合埋隊友快速逼搶打法，成功阻礙皇馬組織攻勢之餘，左閘舒姆沙仲射入職業生涯嘅第2個入波，為球隊奠定勝局，賽後教練高普更讚佢簡直有「外星人」嘅表現。「外星人」今場繼續上陣，後上助攻畀近期着晒火、連續3場有進帳嘅「籮拔仔」羅拔利雲度夫斯基，「蜜蜂兵團」進攻火力有保證。

不過，多蒙特嚟緊2場德甲中間夾住場德盃不特止，跟手仲要喺歐聯作客皇馬，賽程密到爆炸，相信教練高普會落柯打，叫班球員唔好去到咁盡