西甲搶分戰撐愛斯賓奴
2012/11/10文:自由恒

今季西甲整體上變化真係大，巴塞隆拿同皇家馬德里經常贏波輸盤，一向做開第3勢力嘅華倫西亞，就畀馬德里體育會取代，至於經常喺聯賽榜前一橛嘅愛斯賓奴同奧沙辛拿，今季卻要喺榜尾掙扎，呢對難兄難弟今晚提早上演搶分大戰，筆者撐愛斯賓奴嘅1.75倍主W。

由於愛斯賓奴水源有限，搵得卡迪維拿同沙保沙呢類過氣球星加盟，都預咗今季冇乜成就，不過又未至於要降班收場，佢哋近期終於有起色，近3場取賽取得2勝1和，唔難擊敗近5場波先入得1粒嘅奧沙辛拿。

切爾達作客全敗博華歷簡奴

至於華歷簡奴主場對切爾達嘅西甲頭場，切爾達之前出戰巴塞同皇馬雖然都逃過大敗，但事實上今季6次作客都係輸波收場，造訪近期有起色嘅華歷簡奴唔似可以搶得作客第1分，受讓平半都博唔過。

足球重心：愛斯賓奴、華歷簡奴
馬膽推介：1場(9)海豚

今季表現大熟大勇，上場轉戰快活谷全程被動兼唔多順暢，跑入一席第3都算有所交代，今仗重返贏馬路程田草1200，可望再爭功。