聖保利近期火力提升

今晚德國波繼續甲、乙兩組同步開快車，球彩台又係先嚟德乙獨家直播先。今季德乙咁多隊當中，最搶眼嘅就梗係布倫瑞克，呢隊「一哥」今晚喺主場迎戰聖保利，相信唔少球迷都想親眼睇吓佢哋嘅主場火力有幾厲害，撞啱聖保利近排火力亦提升唔少，所以1.88倍入球大應該好抵玩。

布倫瑞克今季德乙主場7勝1和未輸過，喺近5場更加射入咗12球，真係惡過老虎，剛果民主共和國前鋒甘比拿夥拍德國老將古普基，堪稱全德乙產量最高嘅前鋒組合，佢哋入開有條路，今晚喺主場肯定唔憂冇「士哥」啦！

至於作客嘅聖保利雖然近績麻麻，但經歷過開季8場只入4球嘅入球荒後，近期入球率已明顯所有提升，新星丹尼爾真錫克爆發係最大原因，當然亦都唔可以忽略老將保爾嘅貢獻。聖保利班前鋒依家信心爆棚，今場就算作客都絕對唔會死守，入球大自然有機啦！