箭頭文路祖非國盃前搏殺

西維爾一向係西甲二線強隊，但老實講，今季佢哋嘅演出走樣走到阿媽都唔認得，至今13戰只得5勝，跌到落第11位，仲衰過今晚對手華拉度列。佢哋上周聯賽作客馬體會慘敗0:4之餘，更大鑊係該役仲有中場拿傑迪錫、後衞法斯奧同安東尼奧隆拿被逐，佢哋同另一個守將史柏希斯今仗都要停賽，陣容大執位默契同實力大幅削弱，仲可以點砌？

客軍華拉度列呢邊，依家排第10確實令人喜出望外。佢哋一對箭頭文路祖、奧斯卡干沙里斯今季喺聯賽夾埋入咗10粒，佔咗全隊總入球5成半，表現同默契仲愈見進步添。由於文路祖一月就要離隊去踢非洲國家盃，為免影響隊波成績，家陣佢梗係搏得一場得一場，盡量幫華拉度列搶分，鬥志唔使懷疑兼火力亦唔差之餘，華拉度列近4次同西維爾交手，其實係錄得2勝1和1負佔得上風，今晚有乜好驚？

華拉度列「客勝」有計

今晚西甲獨腳戲由西維爾主場迎戰華拉度列，雖然論名氣係以西維爾秤先，仲要有埋地利，不過佢哋有多達4名主力停賽，戰鬥力勢必大減，何況華拉度列嘅前線孖寶文路祖同奧斯卡干沙里斯愈踢愈有默契，今場力奇撐客隊可以搶分，受讓捧2.2倍「讓球客勝」。