英超搶分戰雷丁捉病貓

英超護級大戰提前上演，新特蘭今晚喺主場對雷丁，讓平半博唔過。「黑貓」今季受到傷兵問題困擾，變咗做「病貓」，領隊奧尼爾承認短期內難望大幅度反彈，依家開始要打護級戰，信心都輸埋唔似開到1.92倍主W，捧雷丁止血開下盤好過。

新特蘭近11場波先至贏得1仗，雖然近期傷兵問題有好轉，但中場卡達莫同後衞布朗始終未好番，最慘係首席射手史提芬費查因傷錯過上場對車路士嘅聯賽，就算呢場有機會復出，狀態都唔慌好。更何況連領隊奧尼爾都開始信心動搖，直言唔覺得新特蘭可以好似上季咁季中反彈解除護級威脅，依家每場都要當護級戰打，可想而知情況有幾嚴重。

現時新特蘭已跌至倒數第3位嘅降班區域，只係領先今仗對手雷丁4分，護級壓力非常沉重。雖然對家雷丁傷兵唔少，後衞桑摩利臣亦都未必趕得切好番喺今仗上陣，但佢哋近4場全敗，期間每場都只係以1球差距輸波，主場以3:4僅負曼聯更加係代表作，鬥心同狀態似乎比新特蘭勝一籌，講到底護級戰勝負最講求戰意，今場雷丁受讓抵捧得多。