今晚英超獨腳戲有車路士喺主場鬥修咸頓，小妹決定力撐1.58倍「讓主」，完全係因為畀林柏特嘅鬥心感動！呢位老將雖然飽受球會打壓，但仍然喺場上交出一次又一次嘅神勇表現，今晚對防線極曳嘅修咸頓，就係佢表演好時機！

小妹雖然唔係「車迷」，但都知林柏特近9季每季都為車路士射入雙位數字入球，助攻亦都只得1季少於10次，完全係「藍戰士」嘅命脈，佢家陣已經幫車路士射入194球，榮登球會史上次席射手，仲差8球就可以追平名宿譚比寧嘅202球紀錄，難怪咁受「車迷」尊重啦，點知執意趕絕「林伯」嘅阿布拉莫域疑似落咗「封殺令」，官網對呢項光榮事迹隻字不提之餘，連門神施治喺官網訪問大讚林柏特嘅片段，居然都無故被剪走，做到咁絕，小妹都覺得太過分啦！

不過小妹覺得以林柏特近期嘅表現，一定會咬緊牙關好好踢埋剩低半季，當係答謝球迷嘅支持。查實今場對手修咸頓喺全英超防守最差嘅球隊當中，正以21場失38球嘅「驚人」戰績名列前茅，撞啱車路士無論攻、守都係聯賽數一數二嘅勁嘢，就啱晒「林伯」發揮佢嘅進攻能力，賓尼迪斯亦終於狠心棄用昔日愛將費蘭度托利斯，平心而論，丹巴巴亞為對手造成嘅威脅一定比「王子」大得多，今晚有望繼月初足總盃交手大勝5:1之後，再一次上演大屠殺。

4：哪一件事會首先發生在費蘭度托利斯身上?

被罰黃牌13.0倍

被罰紅牌100倍

入球2.05倍

開出角球17.0倍

被換出5.30倍

上述事件沒有發生2.30倍

‧車路士近8戰有5場開出入球大，其中4場「藍戰士」攻入4球或以上。

‧今季林柏特取得入球嘅賽事，車路士全部獲勝。

‧修咸頓全季作客得1場未有失球，12戰中更有7場只少失2球。