切爾達鬥皇蘇和味濃

切爾達今晚喺西甲早場出擊，主場迎戰皇家蘇斯達，上周皇蘇爆出驚人冷門，喺主場擊敗如日方中嘅巴塞隆拿，士氣一定有增無減，不過今晚作客切爾達，相信會遇到唔少阻力，畢竟切爾達依家深陷降班漩渦，喺聯賽榜排17位，僅僅多尾三嘅奧沙辛拿1分，今晚返主場一定唔會揸流攤。既然雙方勢均力敵，和氣收場就啱數喇！

唔知係咪咁啱得咁蹺，張峰今季睇過好多場切爾達嘅比賽，佢哋主場出擊表現都有一定保證，之前喺西班牙盃仲贏過皇馬，現階段之所以受降班威脅，好大程度係因為踢咗11場作客賽事僅得4分，屬西甲最差。不過切爾達嘅丹麥國腳高恩迪利踢法實而不華，令張峰印象深刻。

皇蘇上周破巴塞不敗身
皇蘇上季曾經喺主場搞到巴塞失分，點知上周仲搞到「地上最強」經歷今季聯賽首敗，絕對唔係僥倖。但係比賽一場場計，今睌對手踢法主守，皇蘇要做主動嗰隊唔多啱踢，加上佢哋作客成績唔見突出，要全取3分亦唔容易。正因為佢哋近11場只嘗1敗嘅近況，令張峰唔敢直取主勝，所以今晚向大家推介3.2倍和局。