拜仁入球停「不」了
德甲班霸拜仁慕尼黑啱啱喺歐聯技術性擊倒阿仙奴，即時令爭標行情看漲！個勢咁勁，佢哋今晚聯賽主場要贏雲達不來梅簡直易如反掌，與其玩無肉食嘅主客和，不如撐拜仁大開殺戒，入球大細中位數改做3.5球，玩1.98倍大仲實際。

雖然哥迪奧拿下季先履新，不過拜仁現時嘅風格都已經好有巴塞feel，球隊基石「小豬」、卻奧斯、湯馬士梅拿同拿姆，角色就好似沙維、恩尼斯達同碧基，加埋有高質素援兵列貝利、洛賓同查維馬天尼斯，拜仁莫講話要贏德甲，要贏埋歐聯冠軍都唔出奇。

不來梅繼續有前冇後
睇番近績，拜仁已連續7場波入到兩球或以上，周中對阿仙奴所失嗰球，先至係佢哋踏入2013年以來首個失波，可見攻守實力都相當強橫！最令小弟意外嘅係射手文迪蘇傑，佢嘅信心同狀態都超強，入波真係易過食生菜，難怪馬里奧高美斯要長坐冷板。

對手雲達不來梅實力雖則今非昔比，不過依然仲係咁鍾意喪攻，近4場聯賽就已經入咗10球，不過對上5場就有3場失3球或以上，擺明係有前無後打死罷就，好大機會同拜仁合演入球騷。

頂占筍盤：拜仁