迫河床主W做「百萬富翁」
河床有個花朵叫「百萬富翁」，雖然投注博佢哋，未必做到富翁，但係呢期佢哋踢得好順，今日响阿甲主場對住堤格雷，個1.68倍河床主W真係唔怕買。

連埋季前賽贏小保加2:1，河床已經取得3連勝，係就場場都僅熟，包括2:1贏貝格拉諾，同上星期1:0鋤低學生隊，但係就順風順水，個「3-4-1-2」陣式愈玩愈熟，雙箭頭查斯古特、富尼斯摩利，搭埋件後上殺手蘭仙尼，經常把握住一次機會，就攞對手嘅命。何況中場艾達拔圖路文雖然傷咗要抖3個禮拜，好彩邦斯奧復出，李安度皮利斯亦好弗吓，條中軸線完全冇受影響。

堤格雷顧唔掂兩條戰線
堤格雷就頭痕嘞，因為要應付自由盃、阿甲兩條戰線，佢哋1月下旬已經有波打，表面睇狀態會比河床起得要快，不過踢得太密，班人亦比較疲勞，好似大前日佢哋先喺自由盃主場輸畀利伯泰迪0:2，仲要有半場時間踢10個，你話唔攰就呃人嘅啫，而且呢班波近4次作客河床輸咗3場，真係體力、往績瓣瓣蝕底，點博得落手吖！