博紐記修咸頓3.35倍和
啱啱喺歐霸盃贏波嘅紐卡素，今晚會回歸英超主場迎戰修咸頓，小妹認為雙方同樣面對護級壓力，既然兩隊都唔想輸，肯定會踢得比較保守，博3.3倍和波都唔錯。

紐卡素之前以3:2反勝車路士，小妹都有睇直播，「喜鵲」踢得好落力，一開波就狂攻車仔，雖然賣走咗射手丹巴巴亞，不過對鋒力似乎冇咩影響，其他中前場主將如卡比耶，賓艾化和柏比斯施斯亦發揮不俗。周中喺歐霸盃賽事，紐卡素憑12碼險勝對手1:0，相隔只係3日又要應付呢場英超激戰，球員體力難免會受影響，相反修咸頓就叉足電搏殺，所以紐記主場對住同分嘅修咸頓，真係無咩優勢可言。

列基林拔作客入球即有分袋
修咸頓開季到依家成績都無咩起色，一直喺聯賽榜中下游徘徊，正所謂限米煮限飯，球隊有幾多料喺積分榜上完全可以反映到，依家兩隊同得27分，如果呢場是但一邊輸咗就會比對手係積分榜上超前，一來一回相差6分咁多，相信修咸頓呢場都會以保住一分為目標，估計和波機會甚大。

貴為修咸頓首席射手，列基林拔暫時喺英超攻入11球，其中有7球係作客入。呢個剛滿31歲嘅前鋒近期都幾弗，唔單止孭起球隊入球重要任務，近期仲做埋「福星」，事關佢自上年12月份開始，近6場英超作客賽事有5場有士哥，而且呢5場最後都有分落袋，今晚能否保住唔輸就靠佢啦！

推介：和波

去飲宴好感動
喜事一單接一單！農曆新年後就到我位好知己德仔嘅媽咪結婚啦！祝百年好合，永結同心！每次去飲喜宴都會覺得好感動，都會諗幾時到自己呢？

Yennie
大學畢業後再戰模特兒界，憑住甜美笑容和豐滿身材，過去半年湧現不同類型的工作。