費托挽面子車路士摘「星」
巴塞隆拿輸兩粒都贏得番4粒躋身歐聯8強，英超車路士喺歐霸盃僅落後區區1粒，今晚返到主場要反勝羅馬尼亞「一哥」布加勒斯特星隊有幾咁難呀？「藍戰士」剛啱喺足總盃8強賽和曼聯有脫胎換骨嘅表現，加上盛傳今夏冇得留低嘅費蘭度托利斯為面子點都要做番齣好戲，1.85倍「讓主」睇怕走唔甩！

車路士首回合造訪羅馬尼亞輸0:1，星隊會長比卡利賽後寸到飛起，先係話「藍戰士」冇速度，繼而仲踩林柏特隱形添，不過講到最火滾，都肯定非費托莫屬！話說星隊球迷喺首回合好百厭，猛咁用雷射筆騷擾大衞雷斯同「林伯」，但就偏偏冇射「王子」，即係當費托廢o架啫？適逢丹巴巴亞唔符合上陣資格，盛傳季尾即將被清洗嘅費托將會擔正，由佢夥拍桑馬達同夏薩特合組攻擊鐵三角，今鋪肯定搵星隊出番啖氣。

星隊射手尼高歷缺陣
星隊可以話攞梗本土聯賽