迪比亞路回勇撐FC悉尼

澳職季後賽爭奪戰白熱化，今日嚟到最後一輪常規賽，仲有4支球隊爭奪最後兩張季後賽入場券。目前排第5嘅布里斯班獅吼，會喺主場迎戰第6位FC悉尼，邊隊贏波就穩入季後賽，悉尼喺回勇嘅迪比亞路帶領下，近期表現愈戰愈勇，5.1倍客勝夠和味！

爭季後賽決心勝獅吼
FC悉尼喺上場「悉尼打吡」作客打和當時得令嘅西悉尼流浪者，表現對辦，如果唔係中場艾馬頓爭議性被逐，小弟覺得佢哋贏埋都仲得。但既然已成定局，悉尼依家要做嘅就係踢好今場比賽，後防老將尼爾據聞有5成機會復出，前鋒迪比亞路上場亦重拾射門鞋，只要佢發揮出近期嘅戰意同表現，今場絕對有力贏波出線。

獅吼上場憑住一個爭議性12碼同一球世界波贏墨爾本雄心，但有睇呢場波嘅球迷都會同意，獅吼表現唔算特別好。事實上，佢哋近5次主場聯賽只贏過兩場咁大把，首席射手貝利沙狀態又持續低迷。獅吼依家得失球遠勝悉尼，今場就算和波，只要光輝同噴射機之後其中一隊失分，佢哋都仲夠分出線，咁反而削弱佢哋今場嘅爭勝決心，間接造就悉尼偷雞機會。

筍盤：FC悉尼