浦和W咪嫌熱

上星期講過日本Toto會賭日職、日乙，仲借用當地名家嘅推介，扑中咗個1.75倍鹿島W，今日九叔又跟呢班名家嘅推介，７浦和紅鑽個1.38倍主勝。

浦和紅鑽主場對湘南比馬，選擇主勝好正路，首先浦和雖然要兼顧日職同亞冠盃，但係勝在人手充裕，班細嘅又成熟過以前，聯賽5戰4勝1和未輸過，表現相當硬淨。湘南呢？佢哋都係要日職、日聯盃兩線作戰，呢隊波兵源唔算厚，遇着地獄賽程，人腳唔夠玩輪換，班主力咪殘晒囉，佢哋聯賽開季得3和2負，前鋒古橋達彌早兩日又左足腱撕裂要抖成半年，唔排除同疲勞有關。

浦和單係响調動呢瓣，已經贏晒新升班嘅湘南，何況佢哋唔只前鋒原口元氣回勇，由鹿島加盟嘅興梠慎三亦好弗，前日喺練習賽個人省咗6粒，今日有斬獲唔奇。