波琴爭上岸「遜」得過

今晚頭輪德乙波2 ，布倫瑞克雖然贏波就肯定升班，不過瓣2.25倍客W偏冷，力奇認為都係忍手為妙。3場德乙波中，反而3 辛特侯遜迎戰波琴場護級戰仲有計，主隊護級幾乎死咗9成，反而尾4嘅波琴暫以1分壓住尾3嘅特雷斯登，唔想淪落去踢護級附加賽，鬥志有保證，1.88倍W抵捧。

辛特侯遜目前以30戰得23分排尾2，同暫時排尾3要踢護級附加賽嘅特雷斯登都有8分距離，即係話剩番4場至少要贏3場先有數講，但以佢哋近6戰得2和4負嘅走勢去睇，憑乜去追吖？球員仲有冇心踢真係難講。反觀波琴近2戰全勝，前鋒「迪迪仔」連續2場有「士哥」腳風轉順，乘勇出擊，要執3分唔難。