北京守「細」波摸和夠出線
亞冠盃最後一輪分組賽今晚爆發,廣島三箭喺G組主場對FC北京,1.59倍入球細抵玩。雖然三箭已經提早出局,但為咗保住日職冠軍尊嚴,點都唔似會被人任數。另一方面,北京喺中超幾乎收起全隊留力今鋪,和波夠數出線唔似會亂攻。
三箭為日職冠軍尊嚴而戰
上周三箭喺篤定出局,收起大部分主力下作客賓約哥,依然能夠打和0:0,證明出局唔代表佢哋會戰意全失。由於要向球迷交代,相信三箭今場正選陣容會正常番啲,被人任數機會唔大,話晒都係日職冠軍,加上近排中日兩國關係緊張,試問三箭又點會放軟手腳先?
其實,北京今場和波已夠出線,日前佢哋幾乎收起大部分主力,寧願喺中超恥辱性作客以0:3不敵大連阿爾濱,就係為咗換取出線希望,咁大件事,就算北京有射手簡路迪復出,都唔似會不顧一切搶攻,始終兩隊贏波動力唔大,似守多過攻,玩入球細似乎着數啲。
亞冠盃G組
賽制
32隊分8組,每組4隊進行雙循環比賽,每組首、次名出線16強。
0/500字
热门产业资讯