薩拉戈薩出「歷」游上岸

嚟到季尾買波，幾時都係睇球隊鬥志行先，今晚31薩拉戈薩主場對華歷簡奴，主隊為護級一定打甩髀，反而華歷簡奴家陣打緊風流波，高不成低不就，Hea住作客都係等死格局，2倍主W抵玩。

西甲護級形勢相當緊湊，依家由15位嘅奧沙辛拿到20位嘅馬略卡，相距都只係5分，當中薩拉戈薩排緊尾2，唔想死點會唔搏命吖？護級勢危，好彩呢隊波總算及時甦醒，上輪佢哋主場完場前憑魯賓洛堅拿入波險勝馬略卡3:2，成功終止各項賽事16場不勝走勢，今鋪乘勇鬥排第8嘅華歷簡奴，客隊爭歐洲賽機會唔大，今鋪只係例行公事，搵乜去砌薩拉戈薩？

力奇揀多場好路嘅23 拉素主場對博洛尼亞，主隊近排狀態麻麻，連續6場未贏過，就算對手都唔係叻仔，但讓波都好牙煙，2.25倍「讓客」應該有計。