PSG打「羅」送別功臣

今晚就係法甲煞科夜，相信唔少球迷嘅目光都會落喺41嘅羅連安特主場對巴黎聖日耳門身上，皆因碧咸並唔喺尋晚公布嘅大軍名單入面，但仍會隨隊作客幫隊友打氣，加埋今場好可能係皇馬新帥目標安察洛堤最後一次帶領PSG，相信眾將唔會輕視呢場「風流波」，希望用一場勝仗送別「咸爺」同安帥嘅！

PSG對上一次輸波已經要追溯至3月初客負蘭斯，上仗梅開二度嘅伊巴謙莫域亦都態勇，反而羅連安特近5戰輸4場，唔多似可以喺煞科戰砌低今季法甲冠軍，都係捧1.73倍客勝啦！

不過大家唔好忘記同時間仲有日呢場里爾對聖伊天嘅歐洲賽資格爭奪戰喎！兩軍邊隊贏波，就可以鎖定歐霸盃席位，如果里昂失分，佢哋仲有望爬頭搶個歐聯位添，既然係咁，又點會唔全力駁火呢？主隊有沙洛文卡勞近4場勁入5粒，巴沙亦都5場省3粒，難怪近5戰有4場開大，客軍射手白蘭達奧近況亦唔差，1.75倍入球大抵玩架！