浦和「大」飯桶開「攻」

有個「飯桶」喺隊波入面，原來未必係壞事喎。今日場日職獨腳戲7柏雷素爾對浦和紅鑽，客軍嗰個「大飯桶」那須大亮腳風順到爆，倒戈對住舊東家隨時有波入，1.65倍入球大抵博。

從實力去睇，浦和人腳質素高過柏雷素爾些少，日職排名亦高過主隊，但係擅長整體戰嘅柏雷，喺亞冠盃o趙低咗全北汽車晉級8強，相反浦和响亞冠盃分組賽兩戰全北都贏唔到，就足以證明呢兩隊波半斤八両。

柏雷素爾苦練415陣式
浦和為咗喺今場波要攞晒3分，保持爭霸機會，呢兩日都苦練「4-1-5」攻擊陣式，當中舊年仲踢緊柏雷素爾嘅那須大亮，近3場波都有斬獲，腳風順到爆，連柏雷素爾中場大谷秀和都話：「呢個食量好大嘅『飯桶』，頭槌好煞食，一定要防佢呀。」

仲有樣奇怪嘅係，柏雷素爾同浦和交戰24次，只係打成9勝6和9負，但係雙方8次喺國立競技場較量，居然有7次開出3球以上嘅賽果，唯一一次入球細都有兩球交收，今日國立好大機會又開入球騷嘞。