挪威「大蝦細」！U21歐國盃今晚輪到A組進行次輪賽事，英格蘭同挪威繼外圍賽後再續前緣，睇牌面無疑係「三獅小兵」秤先，不過挪威領隊施古魯特做足準備，急Call咗4位大國腳歸隊同英格蘭抗衡，睇番上仗鬥以色列場波嘅表現，根本唔使赦呢隻「冇牙幼獅」，1.92倍「讓客」值得捧場。

（now633及635台周日凌晨0:00直播）

雙方喺外圍賽兩度交鋒，英格蘭分別僅贏挪威2:1同1:0，證明兩軍戰鬥力差唔遠。挪威喺A組首戰鬥東道主以色列晨早打少件，但依然能夠喺兩度落後下扳平2:2，而且仲係全場佔盡上風，有3次射門中柱添，好邌呀洈{晒3分。仲有喎，查實呢場波挪威係讓半臂，前鋒祖舒亞京治、中場馬古斯軒歷臣、華倫貝利沙同守將洛特維迪都去咗幫大國腳踢世盃外圍賽，領隊施古魯特賽後已經急Call佢哋歸隊，仲講明會盡遣4位大國腳落場，擺到明要「大蝦細」。

反觀英格蘭幾位超班生牯仔好似阿歷士張伯倫、菲爾鍾斯同韋碧克等等，都已經畀鶴臣拎晒去用，用名大於實去形容呢支英格蘭U21最適合不過。佢哋首戰以0:1不敵意大利之後，領隊皮雅斯喊打喊殺，又話食咗兩球詐胡好唔抵，但有睇呢場波嘅朋友，都知英格蘭全場都畀意大利（目及）住嚟砌，攻勢更加係雜亂無章。

冇錯，左翼衞丹尼路斯同攻擊中場湯馬士恩斯今仗刑滿復出，但韋費特沙夏剛啱至傷愈，狀態唔慌好，要知道後衞奇治戴臣已經係英格蘭外圍賽首席射手（4球），足證班前鋒係幾唔掂，再一次冇韋費特沙夏衝鋒陷陣，呢隊「三獅兵」唔似會惡得出樣。

U21歐國盃A組

8隊分2組，每組4隊進行單循環比賽，每組首、次名將進身4強。