世盃南美洲區外圍賽再度展開激戰，「三哥」厄瓜多爾 朝喺主場惡戰榜首阿根廷。論名氣、講實力阿根廷的確高對手一班，不過射手希古恩、守將薩巴列達停賽，主力美斯又未好番，今仗似有隱憂。對手厄瓜多爾又有高原主場呢個「撒手鐧」，睇落難分高下，3.05倍和局似係唔錯嘅選擇。

（中央5台周三清晨5:00直播）

或者大家都會好奇，厄瓜多爾陣中只有曼聯翼鋒路爾斯華倫西亞同曾經踢過曼城、現効力莫斯科火車頭嘅射手卡些度叫有「卡士」，點解可以喺列強林立嘅南美洲區排第3位。原因係佢哋有個人見人怕嘅高原主場！厄瓜多爾今屆主場6戰全勝都係靠晒佢，強如哥倫比亞嚟到都要俯首稱臣，今次對住阿根廷未必輸梗o架！ 

阿根廷主力美斯有傷喺身，今場都唔似有正選踢，就算擔正，喺吸口氣都難嘅基多都應該惡唔出樣。更何況另一射手希古恩上仗領紅，今場聯同薩巴列達齊齊坐波監，令攻守能力進一步下跌。之不過，阿根廷實力始終佔優，今屆外圍賽亦只係輸過一場夠晒硬淨，冇理由連1分都執唔到嘅。

南美洲區