洲際國家盃今晚上演難得一見嘅戲碼，大溪地喺B組對尼日利亞，唔似有运行，「超霸鷹」「-2」照捧1.5倍「讓球客勝」。世界排名138位嘅大溪地，自稱係首支出席國際大賽嘅業餘球隊，可惜作為話題人物嘅華裔前鋒陳秀又唔係陳真，邊可以1個打10個吖？

（無綫翡翠台、明珠台及高清翡翠台周二凌晨3:00直播）

上年大溪地首次奪得大洋洲國家盃冠軍，但其實捧盃過程遇唔到新西蘭，睇埋陣容，陣中有4個球員來自泰希奧家族，當中有3個係親生兄弟，另一個係堂細佬，呢班業餘球員有搬吖と送瑢徲媶T，感覺上只要你肯踢波，就有機會代表大溪地上陣，唔叻得過師兄弟未歸位之前嘅少林足球隊幾多。

仲有，大溪地班人嘅冧巴都騎呢過人，中堅尼古拉斯華拿係10號，作為陣中唯一職業球員，代表過法國U21出戰嘅南錫前鋒華希路亞，反而要着3號，加上操練期間用一字長蛇陣企晒喺白界前練角球戰術，感覺勁亂嚟。至於我哋早兩日介紹過華裔前鋒陳秀，據講祖父母係中國人，佢識講些少客家話，但講到底佢唔係陳真，唔通旨意陳秀識飛咩？

尼日利亞抵埗前鬧出獎金風波，球員唔滿意贏波獎金由原定嘅1萬美元減到5,000美元，結果去到香港時間尋日，比原定時間遲兩日先抵達巴西。但正因為咁，大家應該明白尼日利亞球員好貪錢，今場對大溪地點會放過騷身價、博轉大球會嘅機會？就算拉素中場奧根耶奧拿斯開賽前因傷退隊，相信由約翰米基爾孭飛嘅尼日利亞都有力大勝。

洲際盃B組

‧大溪地上年奪得大洋洲國家盃冠軍，期間入20球、失5球。

‧大溪地近6場得1勝5負，期間5次輸波都冇波入。

‧尼日利亞只曾於95年參賽，當年獲得殿軍。

‧尼日利亞近5場有4次開半場細。

大溪地咁嘅陣容，近況又差到爆，唔好話破蛋，有冇射門中到龍都成問題。今晚除咗玩尼日利亞「讓球客勝」，仲可以試吓揀尼日利亞贏4:0同5:0波膽，分別有6.5倍同9倍，即使賠率唔算超級好分，但都叫做有啲肉食，值得一試。

現為分組賽階段，8隊分2組，每組4隊進行單循環比賽，每組首、次名進身4強。