玩謝南韓「大學生」

世青盃B組今晚有大戰上演，葡萄牙U20對南韓U20牌面差太遠，吼實3.1倍「讓球主勝」有着數。話晒葡萄牙都有大班葡超新星孭飛，反觀南韓首場分組賽贏古巴，竟然有8個大學球員正選上陣，咁嘅款唔值得冷敲。

（TVB網絡電視02頻道及now810台周二凌晨2:00直播）

6名球員嚟自葡超班霸

葡萄牙以3:1打沉尼日利亞，最搶鏡係梅開二度嘅士砵亭前鋒布馬，計埋佢在內，上場葡萄牙U20共有6個球員嚟自葡超3大班霸波圖、士砵亭或者賓菲加，仲有巴塞隆拿中場艾格米基爾踢足全場，假如葡萄牙連南韓都贏唔到，返到去實畀球會前輩笑到面黃。

反觀南韓U20當正呢個係世界大學生运動會，上場以2:1反勝古巴有8個大學球員打正選，只得3個韓職球員包括水原藍翼中場權昌勛、後衞延濟民同釜山偶像門將李昌根撐場，連神戶勝利船後衞姜允求都冇份打，贏到波只係對手太渣，對住葡萄牙好難有运行。

世青盃B組