新一屆歐洲賽又告展開，歐霸盃第一圈外圍賽會喺今個周中揭開戰幔，38場首回合賽事當然冇開晒盤，足智彩今日就精挑細選咗4場受注，由於尚未有名牌出場，所以曝光率較高嘅北歐球隊勢必成為焦點。

雖然本圈參戰球隊多達76隊，但無獨有偶，挪威勁旅洛辛堡竟然連續兩屆於首圈作客北愛嘅十字軍，洛辛堡畢竟有多年參戰歐聯經驗，所以喺歐霸盃首圈無疑超班，上屆就於首回合作客淨勝十字軍3:0，不過佢哋近期絕少大勝，近10場波只得兩場淨勝多過兩球，所以今場波不妨冷敲3.95倍「讓球和」。（開賽時間：周五凌晨2:45）

至於瑞典球隊就要避之則吉，睇番對上兩屆有4支瑞超隊伍出戰首回合，結果當中3隊喺作客贏唔到波，瑞超嘅馬模本圈就出戰愛爾蘭嘅杜希達，未至於係強弱懸殊之局，要3.25倍「讓球主勝」。

（開賽時間：周五凌晨2:45）

洛辛堡（讓球和）、杜希達（讓球主勝）

馬膽推介：7場11勁感

一隻未認真執過靚檔嘅馬，出道以來6戰谷草短途都未甩過前4名，就知路有專長，今次終於執到個2檔，有力挑戰熱門「卓爾名駒」。

挪盃：現為8強階段，如法定時間內打和，將加時30分鐘，未分勝負則以互射12碼決勝。

歐霸盃：採主客兩回合制，今輪為第1圈外圍賽首回合。如兩回合計打和，將計算作客入球優惠，未分勝負則於次回合法定時間後加時30分鐘，加時階段仍然計算作客入球優惠，再和則以互射12碼決勝。