哥迪奧拿新戰術有料到

　　哥迪奧拿倒戈好戲今晚上演，佢帶領嘅拜仁會喺安聯球場恭候舊會巴塞隆拿，攜手合演一年一度嘅漢尼斯盃。拜仁由7月頭開始係咁踢熱身賽，成班球員喺哥帥新戰術底下撻着晒，相反巴塞尋日先落實聘用馬天奴，但今場都只會由助教勞拉同魯比領軍，兩邊教頭拍埋高下立見，呢場去屆「歐聯4強翻版戰」梗要捧1.5倍主W啦!

　　(亞視本港台及廣東體育周四凌晨0:30直播)

　　拜仁對巴塞戲碼強勁，加上又係哥迪奧拿首次倒戈，所以超過7.1萬張波飛已經晨早售罄，等睇哥迪奧拿第一個「真正考驗」。自從哥帥上任後，佢就向班球員猛咁貫輸新戰術，之前友賽試過搵列貝利同湯馬士梅拿做「假9號前鋒」，電訊盃又將閘位嘅拿姆放喺中場中路，而且個個「改造人」都生龍活虎，哥帥新戰術睇嚟相當有料到!

　　助教領軍 巴塞唔齊腳

　　巴塞今場會由勞拉同魯比聯手領軍，不過馬天奴即將上任，西班牙媒體已經開始分析「馬帥」嘅戰術，其實佢嘅踢法同巴塞慣用嘅戰術差唔多，都係重視前場緊逼，進攻時只留兩個中堅同防中喺後面，亦會繼續沿用美斯做影子前鋒，而且佢要兩隻翼衞更多參與進攻，預期會踢得更加進取，可惜今場未有得睇佢帶領嘅「新地上最強」，球員打天才波未必有作為。

　　拜仁經歷多場比賽之後，班球員已經入晒局，相反巴塞只係開操冇耐，最陰功係有份踢洲際盃嘅國腳仲未歸隊，前日巴塞操練嘅時間只係得12位一隊同11位青年軍球員，今仗極可能要由美斯、馬斯真蘭奴等帶住班二線兵戥腳，相信今季首度出擊兼首次着起新作客波衫嘅巴塞，會繼歐聯之後再向拜仁俯首稱臣。

　　更多球场资讯请访问皇家彩世界：http://www.133918.com/