中前场二线兵搏命争上位

　　嚟到季前亚洲之旅最后一站雅加达嘅车路士，今晚会同主场嘅印尼明星队火併，上场炒完马来西亚明星队嘅佢哋，明显已经上力，最紧要係车仔今季中前场正选位竞争激烈，今晚获委任担正嘅丹巴巴亚，以及新兵舒贺尔尼等，落到场肯定唔会肯留手，要炒有成半队係U23成员嘅印尼明星队自然话咁易，让叁球力奇照捧1.72倍「让客」!(亚视国际台周四晚9:30直播)

　　丹巴巴亚顶替卢卡古担正

　　车仔今次亚洲行首站对泰国明星队小胜1:0，到上仗第2站对住马来西亚明星队已经轻鬆大炒4:1。虽然班波仲有包括费兰度托利斯、桑马达、大衞雷斯等6个踢完洲际国家盃成员未归队，不过队波依然星光熠熠，净係泰利、伊云洛域同夏萨特等都够晒孭飞，加埋前线又爆出个回收嘅「小魔兽」卢卡古，要赢波根本全无难度。

　　讲起卢卡古，连续两场热身赛都有波入嘅佢，成功喺回巢主帅莫连奴身上留低好印象，「寸王」日前就话新季应该唔会再将佢外借，认为佢甚至有力同费托争正选，再加上上仗入完波整伤膝头，已经飞返英国嘅小将奇云迪布尼，以及塞内加尔射手丹巴巴亚，最终边个担正都有排争。莫帅话明今仗轮到丹巴巴亚打正选，今匀落到场仲唔係抢钱咁踢?至于由利华古逊加盟嘅德国国脚舒贺尔尼，又话要争取正选确保入选明年德国世盃大军，难得依家中场线未齐人，佢同域陀摩西斯呢啲边缘球员，梗会格外搏命啦!

　　「印星」半队係U23成员

　　「印星」呢边，接连招唿完两支英超球队，月中先狂吞阿仙奴7蛋，上周末表现有改善仅输畀利物浦0:2，不过今晚对住「蓝战士」真係咪寄望太多。一来车仔实力应该係红军之上，二来係佢哋上周日公布最新22人大军名单，发现有4名主力因唔同理由冇再入选，最恐怖係依家成班波塬来有一半係印尼嘅U23成员，讲真，就算出大国脚都未必顶得住车仔，更何况佢哋?

　　更多资讯请访问彩世界：http://www.1396.me/