今晚英聯盃第1圈揭開序幕，英甲普雷斯頓喺主場迎擊英冠黑池。兩隊季前熱身賽表現都唔算標青，不過喺日前聯賽開鑼即見真章，普雷斯頓雖有主場之利，可惜球員表現未上力，最終悶和收場，相反有恩斯父子兵壓陣嘅黑池，則作客大勝打響頭炮，正所謂寧捧當頭起，今場撐2.28倍客勝!

　　(廣東體育周二凌晨2:45直播)

　　普雷斯頓靠老將奇雲戴維斯

　　黑池翼鋒湯馬士恩斯拒絕卡迪夫城邀請後，尋日再獲紐卡素出價買人，雖然唔知呢位後生仔最終決定係點，不過現時同老竇領隊恩斯拍住上嘅佢，實力喺英冠確實超班，日前開鑼戰作客唐卡士打，製造咗唔少攻勢之餘，狀態弗到漏嘅佢仲有波入。再者新援史提夫戴維斯同加利麥堅斯亦迅速融入球隊，喺呢場處子戰齊齊入波，今場要趁勢砌低英甲分子易如反掌。

　　對手普雷斯頓季前羅致經驗豐富嘅奇雲戴維斯打江山，往時以體力化踢法見稱嘅佢，隨住年齡增長，球員巔峰期明顯過晒，首輪英甲主場鬥狼隊表現一般，縱使禾路爾、賀姆斯等主將候命落場搏殺，不過級數同黑池始終有別，今場難以睇好。