今季降落英冠嘅昆士柏流浪(QPR)，今晚喺英联盃首圈登场作客英乙埃克塞特。QPR今夏虽放走个别球星，但基本骨干依然保留，实力绝对係英冠顶级。不过领队夏利列纳仲未够皮，扬言要喺转会窗结束前继续增兵，班球员唔想冇碇企，今晚落场一定搏晒命，赢尽级数同斗志，梗係捧2.38倍「让客」啦!(开赛时间：周三凌晨2:45)

　　英超班底夏利叔照样增兵

　　新一季英冠上周末开锣，QPR主场对锡周三先失一球下反胜2:1，为球队锁定胜局嘅係前英格兰国脚安祖庄臣。睇埋个出场名单，仲有啱啱由马赛回收嘅祖尔巴顿、前富咸箭头森莫亚等，后备席仲有边缘国脚诸如赞拿斯同胡礼菲腊斯，其实呢班人如果够生性，踢英超都未必使降班啦!

　　领队夏利叔日前表明会继续增兵，争取升番上英超，有传佢斟紧契仔迪科尔来投，家阵阵中个个都要为正选而战，点敢揸流摊。再者联赛啱啱开咧，英联盃对弱旅正好係练兵好时机，力奇好相信夏利叔会派强阵出战。

　　埃克塞特喺英乙开咧战总算凯旋而归，不过讲到底实力始终低两班，当日射入致胜球嘅森柏坚，上季都只係効力苏超弱旅圣美伦，实力有几多唔使多讲，埃克塞特要靠佢搵食，真係信唔过囉!