肥安寸王倒戈群星开拖

　　国际冠军盃决赛听朝喺美国新泽西劲爆举行，皇家马德里决战车路士，两队教头会同时掉转枪头，领军倒戈出战。肥安斗寸王已经充满话题性，加埋C朗同莫连奴反面，寸王又要玩残卡斯拿斯，呢场波双方之间嘅恩怨，随时多过深宵港剧争家产，唔会留手听朝等睇「大」骚，捧1.55倍入球大!

　　(now621、632台周四早上9:00直播)

　　C朗 莫连奴决裂冇留手

　　皇马以2:1砌低爱华顿入决赛，表现当然唔算特别好，但其实佢哋收埋唔少主力，留番啲弹药打车仔。或者大家觉得，安察洛堤同车仔关係唔错，未必会吩咐球员不顾一切丧攻，但皇马除咗以队长卡斯拿斯为首嘅西班牙帮唔妥莫连奴，近排C朗都同寸王决裂，隔空开火互闹，点都唔觉得皇马今场会当普通热身赛踢囉，甚至开拖都唔奇。

　　车仔留力斗皇马未踩油

　　我哋寻日报道过，C朗已经扭计成功，凼到皇马加薪续约到2018年，年薪加到成1,700万欧元，或者多过美斯100万欧元唔算多，但能够喺年薪上骑过死对头，相信C朗会踢得特别醒神，射脚波都有信心啲!加上新帅安察洛堤讲过，唔会限制C朗喺球场上嘅活动范围，只要佢踢得开心就得，淨係呢样，已经够C朗为佢搏命省靓个招牌啦!

　　另一方面，莫连奴成名以来，带得最失败嘅都应该係皇马，冠军数目唔算多，仲搞到高层、球员同传媒都同佢过唔去，不过佢返到车仔，似乎係另一个世界，老细阿布暂时好似真係唔干预佢组军，下放所有权力畀佢搞番好队波，最近两场车仔以试阵心态先后以2:0打沉国际米兰同AC米兰，仲未踩行油，寸王肯定会落柯打射爆皇马落卡斯拿斯面，1.55倍入球大抵玩。