撑阿尔克马尔「让主」

　　有啲嘢得到未必好，好似荷超盃咁吖，捧盃嗰队注定与联赛冠军无缘，剋死定律已经持续12年。阿积士今年抱住大无畏精神挑战定律，成功与否有待时间验证，不过今晚联赛再遇荷超盃对手阿尔克马尔，卡尔万唔睇好佢哋作客赢波，撑2.15倍「让主」。 (now670、672台周日晚8:30直播)

　　阿尔克马尔上季以第10名过终点，攻守数据相比其馀中游分子都零舍醒神，虽然艾迪杜里同阿当马希两名攻击手喺季前离队，联赛揭幕战作客海伦芬仲落笔打三更输波，不过佢哋最近喺联赛、盃赛同阿积士7次对碰，录得2胜4和1负靓绩，硬淨数据唔到你唔信邪，有如荷超盃剋死定律一样。

　　阿积士新兵未融合

　　阿积士左翼保尔列达过档些路迪，教练法兰迪保亚改以19岁丹麦新仔域陀费斯查担正，首轮攻破洛达大门后，即刻激讚教练鼓励佢自由发挥，又话拜仁翼锋列贝利係好例子，后生仔随时被胜利冲昏头脑，再者借将保赞虽然正选落场，不过同队友默契明显有待加强，两翼侧击存在隐忧，今场面对「剋星」阿尔克马尔未必恶得出样。