主帅鹤臣客串领军

　　英格兰U21今晚喺热身赛主场对苏格兰U21，因为教头皮雅斯被炒后未请到人，将会由大国脚领队鹤臣客串领军，可能因为佢江湖地位较高，今次英格兰U21嘅阵容总算似番啲样，成班生牯仔博上位，吼1.65倍入球大最实际。

　　(now621台周三凌晨2:30直播)

　　苏格兰U21牌面削

　　前两个月嘅U21欧国盃，英格兰U21够胆死喺分组赛3战全败包尾出局，教头皮雅斯想继续赖死都唔得，而且英格兰足总今场搵大国脚领队鹤臣带队，目的好明显係想省番靓招牌，呢次热身赛嗌得郁前锋森美艾美奥比、翼锋史达宁、中场舒维尔同中坚米高坚尼归队，鹤臣做到皮雅斯就未必得喇!

　　仲有呀，季前热身赛踢到晓飞嘅曼联新星连格，都有份入选今次大军，就算前锋汤马士恩斯同中场荣基梳尔因伤退队，都唔忧冇波入。对家苏格兰U21牌面係削啲，但前线总算有个射手麦高治撑住，上季佢喺些路迪有唔少上阵机会，大家知啦，英格兰U21后防向来豆腐，想攞威惟有斗攻，入球大好路。