正所谓牡丹虽好都要绿叶扶持，今晚热身赛葡萄牙主场迎战荷兰，C朗同尹佩斯两代「红魔牡丹」对决当然係焦点所在，之不过比较绿叶嘅话，赛前受伤情肆虐嘅葡萄牙真係输咗成条街，荷兰受让，一于捧1.63倍「让客」。(有线155周四凌晨3:30直播)

　　「中场双核」打柴 拿尼伤埋

　　论近绩，葡萄牙3连捷1球不失，计对赛往绩，更加连赢荷兰3场，今场被庄家秤先好合理。可惜吖，「中场双核」鲁尔梅利斯同摩天奴先后受伤退队不特止，翼锋拿尼亦都伤埋，除咗组织攻势大受影响外，冇佢哋帮手走位拉空，C朗发挥亦随时被局限。

　　相比C朗得啲残叶做衬托，尹佩斯呢株荷兰牡丹就好得多，除咗喺社区盾梅开二度状态大勇，「顶级绿叶」亨特拉尔、洛宾全部当弗，配合史杜特文、云坚基尔呢班后起之秀争上位，进攻火力唔讲得笑，再者领队尹戈尔踢走史奈达后，尹佩斯今场扎职做队长，当然唔能够失威!