英超开咧前夕撞正国际赛期，德国同西班牙等劲旅都会踢热身赛，呢班球星为咗留力联赛，落到场随时就住，喺今晚超过20场国际赛入面，梗係拣番场「认真波」玩先够刺激o架嘛，(三)15 北爱尔兰对俄罗斯场世界盃欧洲区外围赛就係最好选择喇!皆因俄罗斯只要赢波，就可以喺踢少场下压过葡萄牙升上F组榜首，球员肯定出尽全力，一于撑2.03倍「让客」啦!(开赛时间：周四凌晨2:45)

　　俄罗斯上仗输畀世盃外围赛同组劲敌葡萄牙，但睇番再之前嗰8场，佢哋全部未输过，喺F组获5战4胜、只失1球佳绩，虽然艾沙维冇入选，但得分主力基沙哥夫同舒洛哥夫都在阵中，加上主帅卡比路话成班波无论状态同心态都喺顶峰，对住喺今届世盃外未赢过嘅北爱尔兰照计游刃有馀。

　　北爱尔兰前锋大衞希利、后衞拜阿迪本身经验够，不过因为未有班落冇状态而畀领队米高奥尼尔弃用，前线同后防都缺一大将，今铺真係听炒喇!