今晚除咗有葡萄牙对荷兰、意大利对阿根廷呢啲名牌国家队对碰外，咪忘记仲有(三)25西班牙作客厄瓜多尔呢场波。「狂牛军团」阵中虽然冇咗中场沙维、中坚碧基等主力，但起用一班边缘国脚应战反而增加雷法尔对佢哋嘅信心，1.57倍客胜要支持。

　　竞赛会撼拉鲁斯吼和

　　难得西班牙主帅迪保斯基冇选部分主力入伍，反而重召射手尼格度同洛兰迪，加上一班有实力嘅潜质小将好似翼锋基斯甸泰路、中场艾斯高、堤亚高艾简达拿等人，佢哋落到场肯定搏老命，增加自己下年踢世界盃嘅机会。厄瓜多尔前锋宾尼达斯早前因病去世，球员心情至今尚未平复，况且中场路尔斯华伦西亚同谢法臣蒙迪路缺阵，得番前锋卡些度一个叫有啲威胁，好难挡得住有心有力嘅西班牙。

　　听朝另一场南美球会盃第2圈首回合赛事(三)32竞赛会主场对拉鲁斯，竞赛会中场缺人，拉鲁斯新兵仲未完全融入球队，两队各有隐忧，唔似可以稳胜对手。睇番两军对上6次喺竞赛会主场交手就打和4次，2.75倍和局不妨追多次!