听朝巴甲有圣保罗主场迎战帕拉尼恩斯，虽然主队係传统劲旅，但今季战绩差强人意，已经「稳守」降班区一段时间，加上今场有多位后防大将缺阵，对住近况弗爆兼火力强劲嘅帕拉尼恩斯，相信又係失分收场，一于捧1.93倍「让客」啦!

　　(开赛时间：周五早上6:30)

　　圣保罗目前正陷入空前危机，佢哋虽然拥有路尔斯法比安奴同埋甘素呢啲国脚级球星，但开季至今只得首两场联赛赢过，之后嘅10场仅得3和7负，家阵成为榜尾分子，仲衰到表演赛对鹿岛鹿角都要输波，连中场法比斯奥都直指战绩「羞家」，仲承认极有可能要降班添，难怪有巴甲球迷特登整咗个「圣保罗降班倒数网」嚟「贺一贺」佢啦!

　　圣保罗4防守主将倦勤

　　更大镬嘅係，圣保罗呢支哀兵今仗唔止右闸杜格拉斯彭利拿坐波监，中坚艾臣荷西、保罗米兰达同防中丹尼逊都倦勤，成条防线甩皮甩骨，今仗撞正近6战获5胜嘅帕拉尼恩斯，对方件射手艾达臣近4场入3球Fit到爆，执番1分都要偷笑喇。