迪奥夫留队士气好

　　上星期德甲开锣，咁多队当中，我觉得最令人眼前一亮嘅就係汉诺威。呢队实力分子阵中有唔少高质素攻击球员，会方日前仲宣布唔会为钱卖走主力前锋马美迪奥夫，可见佢哋係几咁有决心去争取好成绩。今晚汉诺威作客对住锋力都唔弱嘅慕逊加柏，小弟相信两军会合演入球骚，一于捧1.72倍入球大啦!(有线61、64、201及203周日凌晨0:30直播)

　　慕逊新兵夹到艾兰高

　　慕逊加柏一开咧就被班霸拜仁慕尼黑炒1:3，咁讲真，呢场波佢哋输就预咗o架啦，反而佢哋喺拜仁身上攞到1个入球，表现已经唔算差喎，从首战可见，拉菲尔基达奴同麦斯古斯两件新兵，同原有主力艾兰高组成嘅进攻线默契唔错，今次返到主场，更加要喺班拥趸面前赢番铺入多两粒，进攻决心唔成疑问。

　　汉诺威季前大事增兵

　　作客嘅汉诺威都唔曳，佢哋喺上星期轻取禾夫斯堡两蛋，虽然耶高兰同法兰卡因伤缺阵，但球会季前买入唔少当打球员，呢轮就好使好用喇!好似前锋比顿确特、中场艾加派比等，都係实而不华嘅球星，至于盛传受到史笃城垂青嘅马美迪奥夫，球会更公开话明唔会放人，锋力咁有保证，作客都有能力同慕逊加柏斗数胡。

　　顶占笋盘：慕逊加柏(入球大)