经过漫长嘅暑假，新季西甲今晚开锣喇!「张峰」今季非常期待巴塞「美斯+尼马」嘅组合，唔知两位球王会产生咩化学作用呢?讲番今晚华伦西亚主场迎战马拉加场波，「蝙蝠兵团」季前虽有入球保证苏尔达杜转投热刺，但喺几场热身赛中仍显示出不俗锋力，主场出击绝对有力旗开得胜，全取三分，狼啲撑「-1」2.15倍嘅「让球主胜」。(now632台周日清晨5:00直播)

　　马拉加星散靠老将孭飞

　　华伦西亚季前踢咗7场热身赛，战绩係3胜1和3负，经过头4场不胜后连赢国米、爱华顿同奥林比亚高斯，3场胜仗攻入7球，反映状态一直处于冒升当中，兼且锋力仲Keep到，都算把炮咯!今季由萨拉戈萨来投嘅普斯迪加，虽然「卡士」同离队嘅苏尔达杜争咁啲，但胜在经验丰富，配合留队嘅希度华迪斯、班尼加，「蝙蝠兵团」嘅锋力绝对唔可以睇小，话唔定呢对拍档今场就可以齐齐开斋，做赢波功臣呢!

　　上季开始一度同财困两隻字扯上关係嘅马拉加，大家熟悉嘅名字包括祖亚昆、巴迪斯达、沙维奥拿同迪米捷利斯等等，全部走晒!就连有料教练比历连尼都走埋去曼城，新星艾斯高又畀皇马收归旗下，马拉加今季只係靠老将辛达告鲁斯孭飞，唔係话呢位射手冇料，只係担心佢独力难支啫。始终成队波好似畀人肢解咗咁，好伤o架!今晚作客去到华伦西亚，带埋个箩去载「蛋」啦!