德甲嚟到第2周，今晚有法兰克福主场迎战上季「3冠王」拜仁慕尼黑!去季表现可人嘅法兰克福喺开咧战以1:6惨负升班球队哈化柏林，防线弱点表露无遗，今仗对住拜仁睇怕又要大败一场，一于强捧1.6倍「让球客胜」啦!(有线61及201周六晚9:30直播)

　　拜仁默契愈嚟愈好

　　虽然小妹觉得法兰克福上仗对哈化柏林嗰阵劲轻敌，所以搞到输镬甘，但心理质素始终係足球比赛嘅重要一环，而且佢哋条防线真係存在住明显漏洞，除咗门将奇云查普长抖完冇耐需要时间重拾状态，中坚森拜奴亦表现得非常懒散，失6球绝对係「抵死」，今晚斗拜仁仲要有正选右闸施巴斯坦真格有伤踢唔到，屋漏兼逢连夜雨，畀人炒多铺都唔奇。

　　拜仁首战以3:1轻取慕逊，呢场波班球星纯粹以质素取胜，仲未熟得晒哥迪奥拿嘅新战术体系，经过一个星期，相信班大帝同哥帅嘅默契会更加好。睇番开咧战，拜仁嘅进攻保持一贯强势，新兵马里奥葛斯上星期更加喺热身赛一复出就省两粒，有佢拍住汤马士梅拿、洛宾同文迪苏杰等巨星，入多几球又有几难先?