英甲球队卡素尔今季认真大镬，开锣战已经有最好波嗰件射手李尔米拿「见红」，今晚冇咗佢冲锋陷阵，预期球队会继续任由对手鱼肉，主场撞正鬼咁「勐火」嘅高云地利，相信好快就顶唔住对方进袭，第一队入球梗係捧1.86倍嘅高云地利啦!(开赛时间：周六晚10:00)

　　计埋联赛盃在内，卡素尔开季3战劲失12球，领队艾保特决定逼奥汉隆复出止血，但呢位后防大将因为膝伤已经缺阵咗成个月，一场季前赛都冇踢过，夹硬落场咪盏愈帮愈忙!再讲吖，主力射手李尔米拿要坐波监，翼锋马迪笠臣又话上阵成疑，真正係攻不锐守不稳。

　　对家高云地利嘅一对锋将李安奇勒同哥林威尔逊，开季至今夹埋攻入4球，领队派士利赛前签埋雷丁前锋曼锡，希望呢位前法国U21射手可以製造良性竞争，李安奇勒同哥林威尔逊为保正选席位，今仗肯定继续搏命争「士哥」。睇埋数据，高云地利单计上季英甲有27次先入波，造访开季英甲两战都先失波嘅卡素尔，先开纪录机会高唱入云。