今晚英超开咧夜有锐意大展拳脚嘅新特兰主场迎战富咸，「黑猫」今季由祖云达斯买入嘅意大利射手基亚卓尼利表现对办，配合埋艾迪杜里等高质攻击手唔怕冇波入，不过富咸开咧战甚少输波，防线硬淨唔会失太多球，总入球必捧2球。(now622台周六晚10:00直播)

　　论名气，今季加盟新特兰嘅前锋当中，肯定以基亚卓尼利最高，不过美国射手艾迪杜里日前亦都喺国际热身赛中连入3粒，助「花旗兵」击败波斯尼亚，难怪迪肯尼奥都话佢会喺英超打出名堂，要射穿连续5场热身赛都失波嘅富咸，照计冇难度。

　　不过睇番往绩，富咸喺开咧战甚少输波，过去4季就录得2胜2和，加上佢哋今季增兵主要针对后防，包括前毕尔包中坚阿武列比达、科隆右闸沙斯查列达及罗马门将史基伦堡，相信唔会失太多球，至于前线除咗原有嘅贝碧托夫外，亦都正式买断泰拉拔，面对攻强守弱嘅「黑猫」都有力取得进帐，预计两军各入一球下，总入球2粒就啱数。